مسلمانوں کے باہمی تعلقات کی اہمیت

مسلمانوں کے باہمی تعلقات جسے ہم باہمی اختلاف رائے کی وجہ سے عام طور پر اور کبھی دیگر وجوہات کی بنیاد پر توڑ دیتے ہیں ، قطع تعلق ہوجاتے ہیں تو ہمیں رسول اللہ ﷺ کے اس فرمان پر ضرور غور کرنا چاہئِے جس کی رو سے یہ عمل دین کو مونڈنے والا کہا گیا مطلب ایسا کرنے سے نہ تعلق بچے گا نہ دین بچے گا اور ہم نے اپنے ذہن کو مطمئن کروانے کے لئے کئی بہانے تراش کرکے سوچے ہوتے کہ اس وجہ سے ہمارا یہ عمل درست ہے  اس لئے اپنی سوچ کو ترجیح دینے کی بجائے اس حدیث  کو پڑھیں :حضرت ابودرداء رضی اللہ عنہ سے روایت ہے ‘ رسول اللہ ﷺ نے فرمایا :’’ کیا میں تمہیں روزے ، نماز اور صدقے سے بڑھ کر افضل درجات کے اعمال نہ بتاؤں ؟‘‘ صحابہ نہ کہا : کیوں نہیں ، اے اللہ کے رسول ! آپ نے فرمایا :’’ آپس کے میل جول اور روابط کو بہتر بنانا ۔ ( اور اس کے برعکس ) آپس کے میل جول اور روابط میں پھوٹ ڈالنا ( دین کو ) مونڈا دینے والی خصلت ہے ۔ اور اللہ تعالی کے اس فرمان کو پڑھیں  جس میں قطع تعلق ہونے والوں کو فاسق کہا گیا ہے : وَيَقْطَعُونَ مَا أَمَرَ اللَّهُ بِهِ أَن يُوصَلَ وَيُفْسِدُونَ فِي الْأَرْضِ ۚ أُولَٰئِكَ هُمُ الْخَاسِرُونَ ‎﴿٢٧﴾‏البقرہ ۔ اور لوگوں کو ان کی غلطیاں جانتے ہوئے بھی معاف کرنا یہ متقین کی نشانی ہے جسے اللہ تعالی نے سورت آل عمران میں اس طرح سمجھایا ہے : الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ ‎﴿١٣٤﴾‏ ترجمہ : جو خوشی اور تکلیف میں خرچ کرتے ہیں اور غصہ ضبط کرنے والے ہیں اور لوگوں کو معاف کرنے والے ہیں اور الله نیکی کرنے والوں کو دوست رکھتا ہے۔ اب فیصلہ آپ کے اوپر ہے باہمی تعلقات کو توڑ کر اپنے دین و دنیا دونوں کی تباہی کرنا چاہتے ہیں اور فاسق لوگوں میں اپنا شمار کرنا چاہتے ہیں  یا پھر  باہمی معاملات کو درست کرکے افضل عمل کو اختیار کرکے اپنا شمار متقی لوگوں میں کرواتے ہیں اور ان لوگوں میں شامل ہونا چاہتے ہیں جن کو اللہ تعالی پسند کرتے ہیں ۔