سفر میں روزہ رکھنا اور چھوڑ نا دونوں درست ہیں۔
حضرت عائشہ رضہ اللہ عنہا سے روایت ہے کہ حمزہ بن عمرو اسلمی رضی اللہ عنہ نے نبی اکرم صلی اللہ علیہ وسلم سے پوچھا کیا میں سفر میں روزہ رکھوں؟ اور وہ کثرت سے روزے رکھنے والے تھے۔ نبی اکرم صلی اللہ علیہ وسلم نے فرمایا " اگر چاہے تو رکھ چاہے نہ رکھ۔ اسے بخاری نے روایت کیا ہے۔
حضرت ابو سعید خدری رضی اللہ عنہ سے روایت ہے کہ ہم سولہویں روزے نبی اکرم صلی اللہ علیہ وسلم کے ساتھ جہاد کے لئے نکلے ہم میں سے بعض لوگوں نے روزہ رکھا اور بعض لوگوں نے چھوڑ دیا نہ روزہ دار نے بے روز پر اعتراض کیا نہ بے روزہ نے روزہ دار پر اعتراض کیا۔ اسے مسلم نے روایت کیا ہے۔
حیض و نفاس والی عورت کو مذکورہ حالت میں روزہ
نہیں رکھنا چاہئے ، حیض یا نفاس ختم ہونے کے بعد روزے کی قضا ادا کرنی ہوگی ۔
دودھ پلانے والی حاملہ عورت کو روزہ نہ رکھنے کی رخصت ہے بعد میں صرف قضا ہو گی۔
حضرت ابو سعید خدری رضی اللہ عنہ نے کہا نبی اکرم صلی اللہ علیہ وسلم نے فرمایا کیا ایسا نہیں ( یعنی ایسا ہے ) کہ عورت جب حائضہ ہوتی ہے تو نہ نماز پڑھ سکتی ہے نہ روزہ رکھ سکتی ہے اور ان کے دین میں کمی کی یہی وجہ ہے۔ اسے بخاری نے روایت کیا ہے۔
حضرت انس رضی اللہ عنہ سے روایت ہے رسول اللہ صلی اللہ علیہ وسلم نے فرمایا " اللہ تعالی نے مسافر کو نصف نماز اور روزہ موخر کرنے کی رخصت دی ہے نیز حاملہ اور دودھ پلانے والی عورت کو بھی روزہ موخر کرنے کی رخصت دی ہے۔ اسے نسائی نے روایت کیا ہے۔
سفر یا جہاد میں دشواری کے پیش نظر روزہ ترک کیا جا سکتا ہے اور اگر رکھا ہو تو توڑا جا سکتا ہے اس کی صرف قضا ہوگی کفارہ نہیں۔
حضرت عبد اللہ بن عباس رضی اللہ عنہ سے روایت ہے کہ نبی اکرم صلی اللہ علیہ وسلم رمضان کے مہینہ میں مکہ کی طرف (چڑ ھائی کے ارادے سے نکلے ) جب مقام کدیر پر پہنچے تو آپ نے روزہ تو ڑ دیا اور لوگوں نے بھی توڑ دیا۔ اسے بخاری نے روایت کیا ہے۔
بڑھاپایا ایسی بیماری ، جس کے ختم ہونے کی توقع نہ ہو، کی وجہ سے روزہ رکھنے کی بجائے فدیہ ادا کیا جاسکتا ہے۔ ایک روزہ کا فدیہ ایک مسکین کو کھانا کھلاتا ہے۔
حضرت ابن عباس رضی اللہ عنہ سے روایت ہے کہ بوڑھے آدمی کو روزہ نہ رکھنے کی رخصت دی گئی ہے لیکن وہ ہر روزے کے بدلے ایک مسکین کو کھانا کھلائے اور اس پر کوئی قضاء نہیں ۔ اسے دار قطنی اور حاکم نے روایت کیا ہے۔
