روزہ افطار کرتے وقت درج ذیل دعا مانگنا مسنون ہے۔
عَنِ ابْنِ عُمَرَ قَالَ : كَانَ النَّبِيُّ إِذَا أَفْطَرَ قَالَ : ذَهَبَ الظمَاءُ وَابْتَلَتِ الْعُرُوقُ وَثَبَتَ الْأَجْرُ إِنْ شَاءَ اللَّهُ رَوَاهُأَ بُوْدَاؤُدَ .
حضرت عبداللہ بن عمر رضی اللہ عنہما سے روایت ہے کہ نبی اکرم صلی اللہ علیہ وسلم جب روزہ افطار فرماتے تو یہ دعا پڑھتے ذَهَبَ الظَّلمَاءُ وَابْتَلَتِ الْعُرُوقُ وَثَبَتَ الْأَجْرُ إِنْ شَاءَ اللهُ " پیاس ختم ہوئی ، رگیں تر ہو گئیں اور روزے کا ثواب ان شاء اللہ پکا ہو گیا۔ اسے ابوداؤد نے روایت کیا ہے۔
روزہ افطار کروانے والے کا اجر روزہ افطار کرنے والے کے برابرہے۔
حضرت زید بن خالد جہنی رضی اللہ عنہ کہتے ہیں رسول اللہ صلی اللہ علیہ وسلم نے فرمایا " جس نے روزہ دار کو روزہ افطار کرایا اسے بھی اتناہی اجر ملے گا جتنا اجر روزہ دار کے لئے ہوگا اور روزہ دار کے اجر سے کوئی چیز کم نہ ہوگی ۔ اسے ترمذی نے روایت کیا ہے۔
روزہ افطار کروانے والے کو درج ذیل دعا دینی چاہئے
حضرت انس بیان کرتے ہیں کہ نبی اکرم صلی اللہ علیہ وسلم حضرت سعد بن عبادہ رضی اللہ عنہ کے ہاں تشریف لائے ۔ حضرت سعد نے روٹی اور زیتون آپ کی خدمت میں پیش کیا۔ آپ صلی اللہ علیہ وسلم نے تناول فرمایا اور دعادی أَفْطَرَ عِنْدَكُمُ الصَّائِمُونَ وَ أَكَلَ طَعَامَكُمُ الْأَبْرَارُ وَصَلَّتْ عَلَيْكُمُ الْمَلَائِكَةُ روزہ دار تمہارے ہاں روزہ افطار کرتے رہیں، نیک لوگ تمہارا کھانا کھاتے رہیں اور فرشتے تمہارے لیے ( رحمت کی دعا کرتے رہیں ۔ اسے ابوداؤد نے روایت کیا ہے
